Сайт мәзірі

Басты бет
Қалалық ББ құрылымы
Мемлекеттiк рәмiздер
Виртуалды қабылдау
Қызметтің негізгі бағыттары
Секторлардың ақпараты
Аягөз ауданының білім беру қызметкерлерінің кеңесі

User Rating:  / 0
PoorBest 

   Мектепте 2019 жыл,19сәуір күні  Рухани жаңғыру бағдарламасы аясында «Нәтижелі істер-мектептің айқын көрінісі» атты аудандық семинар өтті. Семинар үш бағытта  ұйымдастырылды. 1-ші бағыт   «Өз тарихына деген мақтаныш сезімін ұялатып, отаншылдық білім мен тәрбие беру мектеп қабырғасынан басталуы тиіс»-деп Рухани жаңғыру бағдарламасында Елбасымыз Н.Ә.Назарбаев айтқандай музей деректерін оқу-тәрбие процесінде қолдануды дамыту мақсатында болды.  Семинар жұмысы «Тарихи-өлкетану музейі-оқу-тәрбие   процесін дамыту  кеңістігі» тақырыбымен мектеп жанынан құрылған музей жұмысын таныстырудан басталды.

.   Тарихи –өлкетану музейінде деректер 1990 жылдан жинақталған.Онда ауылдың тарихы даму кезеңдері, мектеп тарихы, ауылдың ақын-жазушылары мен қолөнер шеберлерінің,ҰОС ардагерлерінің деректері,этноауыл көрінісі мен тұрмыстық көне бұйымдар, жергілікті жердің флорасы мен фаунасы және Қоғам қайраткері,композитор Еркеғали Рахмадиевқа арналған арнайы бұрыштары қойылған. Музей жұмысының ережесімен, арнайы құрылымы ,  бағыттарымен  таныстырып, тарихтан мұражай сабағын  өткізген жоғары білімді,бірінші санатты тарих пән мұғалімі Абеуова Асем Қарқыновна өз тәжірибесімен бөлісті.

             2-ші бағыт «Жаңартылған бағдарлама  аясында  инновациялық

әдіс-тәсілдердің тиімді жолдарын көрсету» мақсатында ағылшын тілі мұғалімі Тайырбекова Бақытгүл Даулетхановнаның 8-сыныпта ашық сабақ пен шеберлік сағатын, Ақпаева Гүлнар Қайырбековнаның 3-4сыныптарға сыныптан тыс іс-шарасы өткізілді.

         3-ші бағыт «Өнегелі қарым-қатынас негізі-ұрпақтар сабақтастығында» тақырыбында педагог-психологтардың ғылыми жоба сайысы болды. Сайыс мақсаты : Оқушыларды әрбір аймақтың терең тарихы мен мәдени-әдеби мұраларына ғылыми зерттеулер жасауға баули отырып, ұрпаққа өнеге болар тұлғалар арқылы жан дүниесі рухани бай жеке тұлға қалыптастыру.Ғылыми жобаға аймақ психологтары дайындаған оқушылар жоғары деңгейде қатысып, сайыс өз мақсатына жетті.

  Мектептің педагог-психологы Ғайсина Лаззат Санаққызы «Арт-терапия-жаңа оқыту технологиясының озық үлгісі» тақырыбында өзінің жүргізген жұмыстарының нәтижесін көрсетіп,жеке тұлғаның қалыптасуында өзін-өзі реттеуіне, тануына, күйзелістен шығуына қалай көмектесуге болатыны туралы тәжірибесімен бөлісті.

   Семинар соңында   «Даңқты жерлестердің өнерлі ізбасарлары» тақырыбында концерттік бағдарламамен жалғасып, оқушылар жерлес ақын-жазушылардың өлеңдерін оқып, күйлерін, әндерін орындады.

   Семинарды қорытындылау мақсатында «Екі жұлдыз,бір тілек» кері байланысы жүргізілді.Семинарға  80мұғалім  және аудандық білім бөлімінен әдістемелік кабинет жетекшісі Бейсекова Айгуль Толеубековна,әдіскерлер  Тоқанова Гулсовет Масановна, Анар Кадырсызовна, Алтын Ералиевна қатысты.

   Семинарға қатысушылар кері байланыс қорытындысы бойынша жоғары бағалап,өз ұсыныс,тілектерін айтты.  Әдістемелік кабинет жетекшісі  Айгуль Толеубековна мектептегі жасалған нәтижелі істерге өзінің оң бағасын беріп, одан әрі дамытуды тапсырды.Әдіскер  Гулсовет Масановна тарихшы ұстаздардың ұсынысы негізінде музей жұмысын облыстық деңгейде көрсетуді ұсынды.Семинар өз мақсатына жетіп,көпшіліктің ризашылығымен  аяқталды.