Сайт мәзірі

Басты бет
Қалалық ББ құрылымы
Мемлекеттiк рәмiздер
Виртуалды қабылдау
Қызметтің негізгі бағыттары
Секторлардың ақпараты
Аягөз ауданының білім беру қызметкерлерінің кеңесі

User Rating:  / 0
PoorBest 

      2019 жылдың 25 мамыр күні Баршатас ауылындағы «Оспанқұл Меңаяқұлы атындағы жалпы білім беретін орта мектеп»КММ-де «Болашақ-жастардікі»тақырыбында соңғы қоңырау  салтанаты болып өтті.

      Мереке барабаншылар шеруімен басталды. Мектептегі білім мен тәрбиенің негізі-мұғалім-ата-ана-оқушы-үштік одағының ынтымақтастығының куәсі ретінде осы шараның өзгешілігі-мектеп бітіруші оқушылар, ата-аналар және пән мұғалімдері қол ұстасып ортаға шықты.

      Салтанатты жиын мемлекеттік әнұранмен ашылды. Мектеп бітіруші түлектер мектеп туын өздерінен кейінгі 10 класс оқушыларына тапсырды. «Самғау» домбырашылар флешмобы орындалды. 11-класс бітіріп отырған оқушылардың құрметіне әжелер шашу шашты.

       Алғашқы сөзді мектеп директоры Г.Р.Сихымбаева алып, мектептегі оқу жылы ішіндегі білім мен тәрбиедегі жетістіктерді атап өтті, мұғалімдерді марапаттады.

         Баршатас ауылының әкімі Б.С.Жумаханов құттықтау сөз сөйлеп, үздік мұғалімдерді атап өтті. Мектептегі  «Түлектер Кеңесінің» төрағасы М.А.Өнербаев сөз сөйлеп, мектеп бітірушілерді осы Кеңестің мүшелігіне қабылдады.

        2018-2019 оқу жылының аяқталуы туралы мектеп директорының бұйрығымен оқу ісі жөніндегі орынбасары Л.С.М ахметова таныстырып, үлгілі тәртібі мен үздік білімі үшін оқушыларға мақтау қағаздарын табыс етті. Осыдан кейін «Шаттық»биі орындалды.

      Мектеп бітірушілерге ақ жол тілеп, бастауышта білім берген ұстазы Г.К.Какибаева  және класс жетекшісі Ж.О.Курманбаевалар сөз сөйледі, оқушыларға ән жолдады.

      Оқушылардың ата-аналары Ж.Тугелбаева мен Д.Ажибеков мектеп бітіруші түлектерді құттықтады.

      Түлетердің атынан үш тілде сөз сөйлеген Д.Диасова, С.Садуақас және Е.Нығмет мектеп ұстаздарына алғыстарын білдірді. Мектеп оқушыларына жүрекжарды тілектерін ардагер ұстаздар Қ.Ақадықова мен Т.Нұғыманова атап өтті. Түлектер «Қош бол, мектеп» әнін орындады. Жалпы оқушылардың хоры «Шұбартауым» әнінен кейін, мектеп түлектеріне ақ жол, сәт-сапар тілеп, құрметті ақсақал Зейнекәрім ата бата берді.

     Мектеп  туы әкетіліп, салтанатты жиын аяқталды. Мектеп бітірушілер «Түлектер аллеясына» шыршалар отырғызды.