Сайт мәзірі

Басты бет
Қалалық ББ құрылымы
Мемлекеттiк рәмiздер
Виртуалды қабылдау
Қызметтің негізгі бағыттары
Секторлардың ақпараты
Аягөз ауданының білім беру қызметкерлерінің кеңесі

User Rating:  / 0
PoorBest 

             

   2019  жылдың   3-4 мамыр  аралығында  Д.Бабатайұлы  атындағы  орта  мектебінде  мектеп  қызметкерлері және  5 – 11 класс оқушылар   арасында  Ұлы  Отан  соғысының,тыл және еңбек   ардагері,Үш  мәрте  «Қызыл жұлдыз» ордендері, «Ерлігі  үшін», «Германияны  жеңгені үшін» және  мерекелік медальдардың, Бас  қолбасшы Сталинның алғыс хаттарының  иегері Ә.Оспанов атындағы  үстел  теннисінен мектеп қызметкерлері, 5 – 11 класс оқушылары арасындағы командалық  жарысы өткізілді.     

     Ашылу  салтанатында аудандық оқу-ғылыми-ұйымдастырушылық  кабинеттің меңгерушісі А.  Бейсекова, ардагер ұстаз А.Исатаев,ардагерлер ұйымы Республикалық қоғамдық бірлестігінің Аягөз  аудандық  филиалының  төрайымы Г. Жакупбаева, «Мөлдір  сана» газетінің бас  редакторы Б. Шалғынбай, мектеп  директоры Ж. Сапақова және атамыздың  ұлы Әбділқадыр ағамыз қатысушыларды  Жеңіс  мерекесімен  құттықтап,атамыздың  ұрпақтарына салауатты  өмір  салтын насихаттаудағы еңбектеріне алғыстарын  білдіріп,осындай игі істердің  болашақ  ұрпағымызға  берері  көп  екенін  айтып, қатысушыларға  сәттілік  тіледі. Атамыздың  шөбересі Жаннур атасының  өмір  баянымен  таныстырып  өтті.

   Қысқаша  атамыздың  өмір – баянына  келетін  болсақ, Әбділхақ 1916 жылдың  11 ақпан  күні Семей  облысы Аягөз  ауданы Нарын  ауылдық Кеңесіне  қарасты Шыңғожа ауылында  дүниеге  келген. 1925 жылы бастауыш  мектептің 1 класына  барады, 3 жылдық  білім  алады.Жастайынан  еңбекке  араласады. Әке- шешесіне  мал  бағуға  көмектеседі. 1939 жылы 27 қыркүйекте әскерге  шақырылып, Семей  облысы  Аягөз ауданы Нарын  ауылдық  кеңесіне  қарасты «Красный  Октябрь» колхозынан  әскерге  аттанады. Әскери  міндетін батыс  аймақта 19 БАО әскери бөлімде атқарған,әскери дәрежесі қатардағы қызыл әскер,әскери дәрежесі  қатардағы қызыл әскер,әскери қызметін сапер болып бастап, соғыс  соңында 12 атқыштар полкінің атқыштар бөлімінің  командирі, кіші  сержант дәрежесінде  аяқтаған. Фин  соғысына қатысқан. Коммунистік партия қатарына өткен. Соғыс  басталғанда  шекарадан 20 км  қашықтықтағы әскери  бөлімде  болған. Соғыстың  1 – ші  күні әскери әскери  бөлім  артқа  шегіну  туралы  бұйрық  алып, 40 км  артқа шегінеді,  бірақ, өздері  тұрған әскери  бөлімде  құнды құжаттарды жоюға жібереді. Жау  басып, алған  бұрынғы әскери  бөлімге барып,  құнды  документтерді жою  кезінде қиян- кескі ұрыс  болды. Жаудың  бейқам болып, совет  әскерлерінің қайта келуін күтпеуі,  түнгі уақыттың болуы нәтижесінде, құнды  документтер толықтай жойылады. Қатты ұрыстан аз-ақ солдат  аман  келеді.Соғыс  кезінде Кеңес  Одағының Маршалы Рокосовский басқарған 65 армия дивизия 1103/1203 полктер құрамында соғыста  болып, Батыс, Орталық, Оңтүстік,  Украина,  Беларусь, 1 –ші және  2 – ші Беларусь майдандарында соғыстың 1 – ші күнінен аяғына  дейін ерлікпен шайқасты. Әбділхақ 5 рет  жараланды.

  1. 23 желтоқсан 1941 жылы
  2. 16 тамыз 1942 жылы
  3. 17 қыркүйек  1943 жылы
  4. 4 желтоқсан 1943 жылы
  5. 22 ақпан 1945 жылы

   Соғыс  кезіндегі ерліктері мен жанқиярлық  батырлығын мына  архив  документтерден  көруге  болады.

    23 желтоқсан   1941 жылы Курс  қаласы маңында қызыләскер Оспанов өз  өмірін қауіпке тіге  отырып, неміс артиллериясының жауып  тұрған оғына  қарамай, қала  шетіне қарай бірінші болып ұмтылады және өзінің автоматымен 3 немісті  өлтірген. 16 тамызда 1942 жылы  немістердің қатты шабуылы кезінде ауыр жарақат алған Ә. Оспанов соғыс майданын тастап кетпеді, қайта немістерге қайтара соққы берді \ архивтен

   Абділхақ  атамыздың  ерліктері  болашақ  ұрпақтарымызға  үлгі, ерліктерін естіген ұстаздар,  оқушылар рухани  бір  байып  қалатындары  сөзсіз.

    Жарысқа  келетін  болсақ, жарысқа ауданымыздың мектеп  қыызметкерлері  және  оқушылары  арасынан  жиыны 30 команда,100 –ге  жуық  ойыншы   қатысты. Жарыстың  бас  төрешісі  Т.Оспанбеков жарыс  тәртібімен  таныстырып, жарыс  басталып  кетті.

     Жарыс  өте  шиеленісті  өтті.Команда  ойыншылары бар  айла – тәсілдерін  қолдана  отырып,  қарсыластарын  қапы  қалтыруға  тырысты. Дегенмен,  шын мықты , мықты  екенін  дәлелдейді. Жартылай  ақтық  ойындарға  білім  бөлімі, Д.  Бабатайұлы  атындағы  орта  мектебі, көпсалалы  қазақ  мектеп  гимназиясы,С.  Ғаббасов  атындағы  орта  мектебінің  командалары  шықты. Мектеп қызметкерлері  арасында тартысты  ойындар барысында  барлық  командаларды  сан  қақтырып, І  орынды  мектеп – гимназия командасы  иеленсе, ІІ  орынды Д.  Бабатайұлы  атындағы  орта  мектебінің, ІІІ орынды С. Ғаббасов    атындағы   орта  мектебінің командасы  иеленді. Оқушылар  арасында  І  орынды  Шынғожа  батыр  атындағы орта  мектебінің командасы, ІІ  орынды С.  Сейфуллин атындағы  орта  мектебінің командасы, ІІІ  орынды № 5  орта  мектебінің  командасы  иеленді.

     Жарыс  соңында жеңімпаздар мен  жүлдегерлерді аудан  әкімі Оразбаев  Ділдәбек  Тәжібайұлы  келіп  марапаттады.Әбділхақ  атамыздың  ұлы Әбділқадыр Оспановтың  иығына шапан  жауып,арнайы  алғыс  хат  табыстады.

      Атамыздың  ұрпақтарының  арнайы  кубоктарымен,медальдарымен,  мақтау  қағаздарымен марапатталды.